Mobile Shop on e-Vehicle Scheme - मोबाईल शॉप ऑन ई-व्हेईकल योजना
मोबाईल शॉप ऑन ई-व्हेईकल योजना
दिव्यांग व्यक्तींकडून 4 जानेवारी पर्यंत अर्ज मागविले
Mobile Shop on e-Vehicle Scheme
वाशिम, दि. 22 (जिमाका / jantaparishad.com) : दिव्यांग व्यक्तींना स्वावलंबी होण्याच्यादृष्टीने हरित उर्जेवर चालणाऱ्या पर्यावरणस्नेही फिरत्या वाहनावरील दुकान (Mobile Shop on e-Vehicle Scheme) मोफत उपलब्ध करुन देण्याकरीता या योजनेस शासनाने मान्यता दिली आहे. या योजनेच्या अंमलबजावणीची कार्यवाही महाराष्ट्र दिव्यांग वित्त व विकास महामंडळ, मर्या. यांचेस्तरावरुन सुरु आहे.
दिव्यांग व्यक्तींना पुरेशा सोयी सुविधा उपलब्ध करुन रोजगार निर्मितीस चालना देणे.
दिव्यांग व्यक्तींचे आर्थिक, सामाजिक पुनर्वसन करणे. सर्वसामान्य व्यक्तींप्रमाणे दिव्यांग व्यक्तींना परिवार/ कुटुंबासमवेत जीवन जगण्यास सक्षम करणे हा या योजनेचा उद्देश आहे. योजनेचा लाभ गरजू दिव्यांग व्यक्तींना मिळण्यासाठी अर्जदारांना नाव नोंदणी करण्यासाठी 3 डिसेंबर 2023 रोजी पोर्टल सुरु करण्यात आले आहे. दिव्यांग व्यक्तींकडून ऑनलाईन अर्ज मागविण्यासाठी https://evehicleform.mshfdc.co.in ही लिंक उपलब्ध करुन देण्यात आली आहे. या लिंकद्वारे दिव्यांग व्यक्तींना ऑनलाईन अर्ज सादर करण्यासाठी 4 जानेवारी 2024 पर्यंत मुदत देण्यात आली आहे. तरी या योजनेचा लाभ जास्तीत जास्त दिव्यांग व्यक्तींनी घ्यावा. असे आवाहन महाराष्ट्र राज्य दिव्यांग वित्त आणि विकास महामंडळाचे जिल्हा व्यवस्थापकांनी केले आहे.
Post a Comment