Neel Saraswati Stotram jpg pic image - नील सरस्वती स्तोत्र

Neel Saraswati Stotram

नील सरस्वती स्तोत्र     

 

घोररूपे महारावे सर्वशत्रुभयङ्करि 

भक्तेभ्यो वरदे देवि त्राहि मां शरणागतम् ॥1॥ 

 

ॐ सुरासुरार्चिते देवि सिद्धगन्धर्वसेविते |

जाड्यपापहरे देवि त्राहि मां शरणागतम् ॥2॥    

जटाजूटसमायुक्ते लोलजिह्वान्तकारिणि |

द्रुतबुद्धिकरे देवि त्राहि मां शरणागतम् ॥3॥

 

सौम्यक्रोधधरे रूपे चण्डरूपे नमोस्तुते |

सृष्टिरूपे नमस्तुभ्यं त्राहि मां शरणागतम् ॥4॥

 

जडानां जडतां हन्ति भक्तानां भक्तवत्सला |

मूढतां हर मे देवि त्राहि मां शरणागतम् ॥5॥

 

वं ह्रूं ह्रूं कामये देवि बलिहोमप्रिये नमः |

उग्रतारे नमो नित्यं त्राहि मां शरणागतम् ॥6॥

 

बुद्धिं देहि यशो देहि कवित्वं देहि देहि मे |

मूढत्वं च हरेद्देवि त्राहि मां शरणागतम् ॥7॥

इन्द्रादिविलसद्द्वन्द्ववन्दिते करुणामयि |

तारे ताराधिनाथास्ये त्राहि मां शरणागतम् ॥8॥

 

अष्टम्यां च चतुर्दश्यां नवम्यां यः पठेन्नरः |

षण्मासैः सिद्धिमाप्नोति नात्र कार्या विचारणा ॥9॥

 

मोक्षार्थी लभते मोक्षं धनार्थी लभते धनम् |

विद्यार्थी लभते विद्यां तर्कव्याकरणादिकम् ॥10॥

 

इदं स्तोत्रं पठेद्यस्तु सततं श्रद्धयाडन्वितः |

तस्य शत्रुः क्षयं याति महाप्रज्ञा प्रजायते ॥11॥

 

पीडायां वापि संग्रामे जाड्ये दाने तथा भये |

य इदं पठति स्तोत्रं शुभं तस्य न संशयः ॥12॥

 

इति प्रणम्य स्तुत्वा च योनिमुद्रां प्रदर्शयेत् ॥13॥

!! इति श्री नील सरस्वती स्तोत्रं संपूर्णं !!