जवाहर नवोदय विद्यालय 6 वी प्रवेश परिक्षा - JNV 6th admission form starts from 30 nov online

जवाहर नवोदय विद्यालयाच्या 6 वी प्रवेश परिक्षेसाठी 30 नोव्हेंबर पर्यंत ऑनलाईन अर्ज मागविले

वाशिम (www.jantaparishad.com) दि. 27 (जिमाका) : केंद्रीय माध्यमिक शिक्षा बोर्ड दिल्ली यांचेकडून घेण्यात येणारी जवाहर नवोदय विद्यालय निवड चाचणी परिक्षा इयत्ता 6 वी साठी सन 2022-23 या वर्षात प्रवेशसाठी अर्ज ऑनलाईन पध्दतीने भरण्यास सुरुवात झाली आहे.

जिल्ह्यातील मान्यताप्राप्त सरकारी, निमसरकारी अथवा खाजगी शाळेत शैक्षणिक सत्र सन 2021-22 च्या इयत्ता 5 वीत शिकत असलेले विद्यार्थी या प्रवेश परीक्षेसाठी अर्ज करु शकतात. विद्यार्थी हा वर्ग 3 री आणि इयत्ता 4 थी इयत्तेमध्ये सलग उत्तीर्ण असावा. इच्छुक विद्यार्थी ज्याचा जन्म 1/5/2009 ते 30/4/2013 दरम्यान झाला असावा. तेच विद्यार्थी अर्ज करण्यास पात्र आहेत. ही पात्रता अट अनुसूचित जाती, अनुसूचित जमाती संवर्ग धरुन सर्व संवर्गातील विद्यार्थ्यांना लागू आहे.

अधिक माहितीसाठी तसेच परीक्षेचे स्वरुप व इतर विस्तृत माहिती नवोदय विद्यालय समितीच्या www.navodaya.gov.in या संकेतस्थळावर उपलब्ध आहे. ऑनलाईन अर्ज दिलेल्या संकेतस्थळावरुन विनामुल्य भरण्यास सुरुवात झाली आहे. ऑनलाईन अर्ज भरण्याची अंतिम तारीख 30/11/2021 आहे. निवड चाचणी परिक्षा 30/4/2022 ला घेण्यात येणार असल्याची माहिती नवोदय विद्यालयाचे प्राचार्य एस.डी. खरात यांनी दिली.