'शब-ए-बारात' निमित्त मुस्लिम बांधवांनी घरीच केली इबादत
'शब-ए-बारात' निमित्त मुस्लिम बांधवांनी घरीच केली इबादत
कारंजा (प्रति.) दि. 10 - संपूर्ण जगात थैमान घातलेल्या कोरोना व्हायसमुळे
आतापर्यंत अनेक लोकांचा मृत्यू झाला आहे. मागील २२ मार्च पासून संपूर्ण देशामध्ये 'लॉक डाऊन' करण्यात आले. अशातच कोरोना या विषाणूचा प्रादुर्भाव रोखण्यासाठी प्रशासनाच्या सूचनेवरून काल 'शब-ए-बारात' निमित्त सर्व मुस्लिम बांधवांनी मस्जिद तसेच कब्रिस्तान मध्ये न जाता घरीच इबादत केली.
लॉक डाऊन असल्यामुळे तसेच प्रशासनाच्या सूचनेवरून शहरातील मौलवी (मुस्लिम धर्मगुरू) यांनी शब-ए-बारात निमित्त मस्जिद तसेच काब्रिस्तानला जाऊ नये असे आव्हान केले होते. प्रशासनाच्या तसेच मौलवींच्या सूचनेवरून लोकांनी आपल्या घरी राहून नमाज अदा करून अल्लाह (ईश्वर) इबादत केली. मुस्लिम समाजामध्ये शब-ए-बारात या रात्रीला अनन्यसाधारण महत्त्व आहे. या रात्रीला पूर्ण रात्रभर मुस्लिम समाजातील नागरिक 'अल्लाह' ची इबादत मशिदी मध्ये जाऊन करतात. तसेच काब्रिस्तान मध्ये जाऊन आपल्या कुटुंबातील मरण पावलेल्या लोकांसाठी मोक्ष प्राप्ती करिता 'अल्लाह' कडे दुवा (प्रार्थना) करतात.
मात्र 'लॉक डाऊन' असल्यामुळे सर्व समाज बांधवांनी घरी ईबादत केली आहे.शब-ए-बारात निमित्त पोलीस प्रशासनाच्या वतीने जिल्ह्यातील सर्व मुस्लिम समाजातील काब्रिस्ताना जवळ पोलीस बंदोबस्त लावण्यात आला होता.
Post a Comment