समृद्धी महामार्गावरुन प्रवासासाठी सुविधा - Facilities on Samruddhi Highway

समृद्धी महामार्गावरुन प्रवासासाठी  सुविधा 

Facilities on Samruddhi Highway

        हिंदु हृदयसम्राट बाळासाहेब ठाकरे महाराष्ट्र समृद्धी महामार्गा (Hindu Hriday Samrat Samruddhi Mahamarg / Highway) च्या लोकार्पणानंतर वाहनधारकांचा चांगला प्रतिसाद मिळत आहे. ११ डिसेंबर ते १७ डिसेंबर दरम्यान नागपूर ते शिर्डी (Nagpur To Shirdi) दरम्यानच्या पहिल्या टप्प्यात 50 हजारांहुन अधिक वाहनांनी महाराष्ट्र समृद्धी महामार्गावर प्रवास केलेला आहे.

    प्रधानमंत्री नरेंद्र मोदी यांच्या हस्ते महाराष्ट्र समृद्धी महामार्गामधील नागपूर ते शिर्डी या पहिल्या टप्प्याचे उद्घाटन 11 डिसेंबर,2022 रोजी नागपूर येथे झाले. मा.मुख्यमंत्री श्री. एकनाथ शिंदे व मा.उपमुख्यमंत्री श्री. देवेंद्र फडवणीस व इतर मान्यवरांच्या उपस्थितीत पार पडलेल्या या सोहळ्यानंतर दुपारी 2 वाजता द्रुतगती मार्ग वाहतुकीस सर्वांना खुला करण्यात आला. नागपूर ते शिर्डी या 520 कि.मी.च्या टप्प्यात शुक्रवारपर्यंत 50 हजारांहुन अधिक वाहनांनी प्रवास केला आहे.द्रुतगती मार्गाचा वापर करणाऱ्या वाहनधारक व चालकांची कुठेही गैरसोय होऊ नये, याबाबत महाराष्ट्र राज्य रस्ते विकास महामंडळाने पुरेपुर काळजी घेतलेली आहे.

समृद्धी महामार्गा वरील इंधनस्थळ  

Petrol Pump On Samruddhi Highway Mahamarg

        समृद्धी महामार्गावर नागपूरहून शिर्डीच्या दिशेने 7 ठिकाणी व शिर्डीहुन नागपूरच्या दिशेने 6 ठिकाणी अशा एकूण 13 ठिकाणी इंधनाची सोय करण्यात आलेली आहे. 

नागपूर ते शिर्डी इंधनस्थळ 

Petrol Pump Nagpur To Shirdi 

जिल्हा         गाव          सा.क्र.

नागपूर        वायफळ     11 + 200

अमरावती    शिवनी     136 +400

बुलढाणा     डोणगाव     268 + 200

बुलढाणा     मांडवा         310 + 600

जालना        कडवंची    353 + 800

औरंगाबाद    पोखरी     419 + 000

औरंगाबाद     अनंतपुर     461 +700

शिर्डी - नागपूर इंधनस्थळ 

Petrol Pump Shirdi To Nagpur 

जिल्हा         गाव          सा.क्र.

औरंगाबाद     डवाळा     497 + 600

बुलढाणा         मांडवा     311 + 000

बुलढाणा         डोणगाव 268 +900

अमरावती     शिवनी     136 + 700

नागपूर         रेणकापूर    80 + 400

नागपूर         वायफळ     10 + 300

समृद्धी महामार्गा वरील सोयी सुविधा 

Way Side Amenities on Samruddhi Highway

स्नॅक्स - Snacks

        या इंधन स्थानकावर स्नॅक्स, पिण्याचे पाणी तसेच टायर पंक्चर काढण्यासाठी व टायरमध्ये हवा भरण्यासाठी सोय करण्यात आलेली आहे. तसेच वाहनाच्या किरकोळ दुरुस्तीची सुविधा इंधन स्थानकाजवळ पुरवण्यात आली आहे. याशिवाय १६ ठिकाणी महामार्ग सोयी सुविधा (Way side Amenities) सुरु करण्याची प्रक्रिया सुरु असून लवकरच प्रवाशांना ती सुविधा उपलब्ध करुन दिली जाईल.

प्रसाधनगृह - Restroom

        या 13 इंधन स्थानकांवर प्रसाधनगृहाची सुविधा आहे. तसेच पथकर स्थानकांवर देखील प्रसाधन गृहांची सुविधा आहे.

अपघाताच्या वेळेस अपघातग्रस्तांना सहाय्य करण्यासाठी खालील प्रकारे सुविधा देण्यात आलेली आहे.

शीघ्र प्रतिसाद वाहन (QRV) एकूण 21 वाहने

        द्रुतगती मार्गावर इंटरचेंजवर 21 सुसज्ज शीघ्र प्रतिसाद वाहने तैनात आहेत. घटना घडल्यानंतर तातडीने अपघातस्थळी ही वाहने पोहचतील. या वाहनामध्ये रेस्क्यू ऑपरेशन करण्यासाठी व घटना नियंत्रण करणेसाठी फायर फायटिंग सिस्टिम, कटर्स, ऑक्स‍िजन सिलिंडर्स, हायड्रॉलिक जॅक, प्रथमोपचार सुविधा व उपकरणे इ. अत्याधुनिक सुविधा ठेवण्यात आलेल्या आहेत.

क्रेन - Crane 

        अपघातग्रस्त वाहन द्रुतगती मार्गावरुन बाजूला घेण्यासाठी 30 मेट्रिक टन क्षमतेची क्रेन 24 तास तैनात आहे. अपघाताची सूचना मिळताच क्रेन तातडीने घटनास्थळी पोहचेल. क्रेनची एकूण संख्या 13 आहे.

गस्त वाहने - Patroling vehicles

        प्रवाशांच्या मदतीसाठी एकूण 13 गस्त वाहने कार्यरत आहेत. अपघातानंतर वाहतूक नियंत्रित करण्याच्या दृष्टीने द्रुतगती मार्गावर आवश्यक सुरक्षा उपाययोजना गस्त वाहनांमधील कर्मचारी करतील.

सुरक्षा रक्षक - security guards

        द्रुतगती मार्गावर सुरक्षेसाठी महामार्ग सुरक्षा पोलीस (Highway Safety Police) तैनात आहेत. तसेच महाराष्ट्र राज्य सुरक्षा महामंडळाचे एकूण 121 सुरक्षा रक्षक महामार्ग सुरक्षा पोलिसांच्या मदतीसाठी नियुक्त केलेले आहेत.

रुग्णवाहिका - Ambulance

        अपघातग्रस्तांच्या मदतीसाठी एकूण 15 रुग्ण वाहिका आहेत. रुग्णवाहिका स्थानिक रुग्णालयांशी संलग्न ठेवण्यात आलेल्या आहेत. आपत्कालीन वैद्यकीय सेवांसाठी रुग्णवाहिकेकरिता 108 क्रमांकावर संपर्क करावा.

समृद्धी महामार्गा वरील हेल्पलाईन क्रमांक 

 Helpline Number on Samruddhi Highway

        वाहनाचा बिघाड / अपघात झाल्यास हेल्पलाईन क्रमांक 1800 233 2233/ 8181818155 वर त्वरीत संपर्क करावा. सदर हेल्पलाईन क्रमांक महामार्गावर ठिकठिकाणी प्रदर्शित करण्यात आलेले आहेत. 

नियंत्रण कक्ष व मुख्य नियंत्रण कक्ष - Control Room

नागपूर ते शिर्डी दरम्यान समृद्धी महामार्गावर प्रत्येक इंटरचेजच्या ठिकाणी स्वंतत्र नियंत्रण प्रणाली असून ते मुख्य नियंत्रण कक्षाशी संलग्न आहेत. औरंगाबादमधील सांवगी इंटरचेंज येथे मुख्य नियंत्रण कक्ष स्थापित करण्यात आलेला असून सर्व सुविधा यंत्रणावर बारकाईने लक्ष दिले जात आहे

सुरक्षित प्रवासासाठी, नियमांचे पालन गरजेचे

            अपघात होऊ नये व सुरक्षित प्रवास होण्याच्या दृष्टीने प्रवाशांनी काळजी घेणे आवश्यक आहे. प्रवासाला निघण्यापूर्वी वाहनाचे इंजिन, इलेक्ट्रीक वायरिंग, टायर्स इ. सुस्थितीत असण्याची खात्री करणे. द्रृतगती मार्गावर वाहनाची गती विहित मर्यादित ठेवणे,जेणेकरुन सुरक्षित प्रवास होईल. लेनची शिस्त पाळणे, चूकीच्या बाजूने ओव्हरटेक करु नये, मुख्य मार्गिकेवर वाहने पार्क करु नये, दोन वाहनांमध्ये सुरक्षित अंतर ठेवणे, सीट बेल्ट वापरणे इ.बाबीचे काळजीपूर्वक पालन करावे.असे आवाहन राज्य रस्ते विकास महामंडळाने केले आहे.