कृषी क्षेत्रातील नवीन तंत्रज्ञान व रोजगार स्वयंरोजगाराच्या संधी यावर उद्या वेबीनार webinar on new technology and employment in agriculture

 

कृषी क्षेत्रातील नवीन तंत्रज्ञान व रोजगार स्वयंरोजगाराच्या संधी यावर उद्या वेबीनार

वाशिम, दि. 07 (जिमाका) : राज्यातील युवक-युवतींसाठी कौशल्य विकास, रोजगार व उद्योजकता आयुक्तालयामार्फत ‘कृषी क्षेत्रातील नवीन तंत्रज्ञान व रोजगार स्वयंरोजगाराच्या संधी’  या विषयावर शुक्रवार, 08 ऑक्टोबर 2021 रोजी ऑनलाईन मोफत मार्गदर्शन सत्राचे आयोजन करण्यात आले आहे. जिल्ह्यातील युवक-युवतींनी या वेबीनारचा लाभ घ्यावा, असे आवाहन जिल्हा कौशल्य विकास, रोजगार व उद्योजकता मार्गदर्शन केंद्राच्या सहायक आयुक्त सुनंदा बजाज यांनी केले आहे.

‘कृषी क्षेत्रातील नवीन तंत्रज्ञान व रोजगार स्वयंरोजगाराच्या संधी’ या विषयावरील ऑनलाईन वेबीनारमध्ये शुक्रवार, 08 ऑक्टोबर रोजी दुपारी ३ ते ४.३० या वेळेत लातूर येथील कृषी विज्ञान केंद्राचे प्रमुख तथा वरिष्ठ शास्त्रज्ञ डॉ. सचिन डिग्रसे आणि इम्पोर्ट एक्सपोर्ट फेडरेशन पुणेचे संस्थापक, श्री. अभिजीत शिंदे मार्गदर्शन करणार आहेत.

इच्छुक युवक/युवतींनी  https://www.facebook.com/MaharashtraSDEED या फेसबुक आणि https://www.youtube.com/channel/UC7o2gQB5q7VaITABN4FHw1A या यु-ट्यूब लिंकच्या सहाय्याने वेबीनारमध्ये सहभागी व्हावे. जिल्ह्यातील युवक-युवतींना या सत्रात सहभागी होण्यासाठी काही अडचणी असल्यास ०७२५२-२३१४९४ या क्रमांकावर अथवा जिल्हा कौशल्य विकास, रोजगार व उद्योजकता मार्गदर्शन केंद्र, वाशिम या कार्यालयाशी संपर्क करावा, असे आवाहन सहायक आयुक्त श्रीमती सुनंदा बजाज यांनी केले आहे.