आम्ही आपत्ती, आव्हानांवर नेहमी विजय मिळवला आहे, यावर्षी देश नवी ऊँची गाठेल - पंतप्रधान

आम्ही आपत्ती, आव्हानांवर नेहमी विजय मिळवला आहे, यावर्षी देश नवी ऊँची गाठेल - पंतप्रधान 

नवी दिल्ली, २८ जून - कोरोना विषाणूजन्य संकट आणि चीनच्या सीमेवर सुरू असलेल्या गतिरोधात पंतप्रधान नरेंद्र मोदी यांनी रविवारी म्हटले आहे की, भारत नेहमीच संकटाला यशांच्या पायर्‍यांमध्ये परिवर्तीत केले आहे, आपत्ती व आव्हानांवर विजय मिळविले आहे, आणि तो पूर्वीपेक्षा आणखी उजळ होऊन वाढला आहे.

आकाशवाणीवरील ‘मन की बात २.०’ या मासिक रेडिओ कार्यक्रमाच्या 13 व्या भागात पंतप्रधानांनी आशा व्यक्त केली की यावर्षी सर्व आव्हाने असूनही देश नवीन उद्दिष्टे साध्य करेल, नवीन यशस्वी झेप घेईल  आणि नवीन उंचीला स्पर्श करेल.

ते म्हणाले की, संकट कितीही मोठे असले तरीही भारताने कठीण काळात जगाला मदत केली आणि जगानेही भारताच्या जागतिक बंधुता ची भावना अनुभवली आहे.

सर्वच संकटांमुळे भारत उत्तरोत्तर अधिक भव्य झाला

मोदी म्हणाले, भारताचा इतिहास आपत्ती आणि आव्हानांवर विजय मिळवून देण्याचा आणि अधिक प्रकाशमान होण्याचा राहीला आहे. शेकडो वर्षांपासून वेगवेगळ्या आक्रमणकर्त्यांनी भारतावर आक्रमण केले आणि संकटात टाकण्याचा प्रयत्न केला, त्या लोकांचा विचार होता की भारताची रचना नष्ट होईल, भारताची संस्कृती संपुष्टात येईल, परंतु, सर्वच संकटांमुळे भारत उत्तरोत्तर अधिक भव्य झाला. तो पुन्हा जास्त ताकदीने उभा राहीला.’’

संपूर्ण मानव जातीवर कोरोना नावाचे जागतिक साथीचे एक संकट असल्याचे वर्णन करताना पंतप्रधान म्हणाले की जेव्हा  हे संकट सहा-सात महिन्यांपूर्वी आले तेव्हा कोणालाही ठाऊक नव्हते की त्याविरुद्धचा लढा इतका मोठा जाईल. 

ते म्हणाले, हे संकट कायम आहे, वरुन देशात नवीन आव्हाने समोर येत आहेत. आता काही दिवसांपूर्वी चक्रीवादळ अनफान देशाच्या पूर्वेकडील टोकाला आले, तर पश्चिमी टोकाला चक्रीवादळ निसर्ग आले. अनेक राज्यांमध्ये टोळ यांच्या हल्ल्‌यामुळे आमचे शेतकरी त्रस्त आहेत आणि हे कमी झाले नाही की देशाच्या बर्‌याच भागात लहान भूकंप येत आहेत. पंतप्रधान म्हणाले की या सर्वांच्या सोबतच देश आपल्या काही शेजार्‌यांद्वारे होत असलेल्या आव्हानांनाही सामोरे जात आहे.

ते म्हणाले, भारताने नेहमीच संकटांना यशाच्या पायर्‌यांमध्ये रुपांतरीत केले आहे. या भावनेनेच आपण आजही पुढे चालत राहिले पाहिजे. तुम्हीही या कल्पनेने पुढे जाल, १३० कोटी देशवासीय पुढे गेले तर हे वर्ष देशासाठी एक नवा विक्रम ठरेल. याच वर्षात, देश नवीन उद्दिष्टे साध्य करेल, नवीन उड्डाण करेल, नवीन उंचींना स्पर्श करेल. या देशाच्या महान परंपरेवर तुमच्या सर्वांवर, १३० कोटी देशवासीयांच्या सामर्थ्यावर माझा पूर्ण विश्वास आहे. 

लॉकडाऊनपेक्षा जास्त सतर्कता अनलॉकच्या काळात बाळगायचीय

     मोदी म्हणाले की, सज्जनांची विद्या, ज्ञानासाठी असते, धन इतरांना मदत करण्यासाठी आणि ताकद, लोकांचं रक्षण करण्यासाठी उपयोगात आणली जाते. भारताने आपली ताकद, नेहमी याच भावनेने वापरली आहे, भारताचा संकल्प आहे- भारताचा स्वाभिमान आणि सार्वभौमत्वाचे रक्षण आणि आत्मनिर्भर भारत. आता आपण अनलॉकच्या काळात आहोत. या काळात, आपल्याला दोन गोष्टींवर भर द्यायचा आहे- कोरोनाला हरवायचे आहे आणि अर्थव्यवस्थेला अधिक मजबूत बनवायचे आहे. लॉकडाऊनपेक्षा जास्त सतर्कता आपल्याला अनलॉकच्या काळात बाळगायची आहे. जर तुम्ही मास्क वापरत नसाल, दोन मीटरचे अंतर ठेवत नसाल, तर तुम्ही स्वतःसोबत इतरांच्या आयुष्याला,विशेषतः, घरातली मुले आणि ज्येष्ठांना संकटात टाकत आहात, म्हणूनच, सर्व देशबांधवांना माझी विनंती आहे की तुम्ही निष्काळजीपणा करु नका, असं मोदी म्हणाले.

स्थानिक म्हणजे लोकल वस्तूच घ्या

ते म्हणाले की, आपण स्थानिक म्हणजे लोकल गोष्टी विकत घ्याल, त्यासाठी #VocalForLocal होत, त्यांचा प्रचार कराल, तर असं समजा, की देश मजबूत बनवण्यात आपणही आपली भूमिका पार पाडत आहात. ही देखील, एकप्रकारे देशसेवाच आहे. आसामच्या रजनी यांनी मला पत्रात लिहिलं आहे की पूर्व लद्दाख मध्ये जे काही झाले, ते बघून त्यांनी एक शपथ घेतली आहे की त्या यापुढे नेहमी स्वदेशी वस्तूंचीच खरेदी करतील, इतकेच नाही तर त्याचा प्रसार-प्रचारही करतील. असे संदेश, मला देशाच्या कानाकोपऱ्यातून येत आहेत. ज्यांच्या मुलांना हे वीरमरण आलं त्यांचे माता-पिता, आपल्या दुसऱ्या मुलांनाही, घरातल्या इतर मुलांनाही, सैन्यात दाखल करण्याविषयी बोलत आहेत. खरंच, या कुटुंबियांचा त्याग वंदनीय आहे. हाच दृढ संकल्प आपल्याला, आपल्या जीवनाचे ध्येय बनवायचे आहे, असं मोदी म्हणाले.

पंतप्रधान म्हणाले की खरोखरच इतक्या मोठ्या प्रमाणावर इतक्या आपत्ती एकत्र आणि त्याही या पातळीवरील आपत्ती इतिहासात फारच क्वचित दिसतात.ते म्हणाले, परिस्थिती अशी बनली आहे की, एखादी छोटी घटना जरी घडली तरीसुद्धा या आव्हानांशी जोडणी करून लोक त्यांच्याकडे पहात आहेत.

आपत्ती आणि इतर आव्हानांविषयी सर्वसामान्यांमध्ये होत असलेल्या चर्चेबाबत तपशीलवार बोलतांना मोदी म्हणाले की, वर्षात एक आव्हान येवो अथवा पन्नास आव्हाने, कमी जास्त संख्येमुळे कोणते वर्ष हे वाईट होत नाही, वाया जात नाही.  कोरोना व्हायरस संकटाच्या काळात भारताच्या जागतिक भूमिकेचा उल्लेख करताना मोदी म्हणाले की कितीही मोठे संकट असले तरी भारताची मूल्ये नि:स्वार्थ भावनेने सेवेला प्रेरित करतात.

ते म्हणाले, कठीण परिस्थितीत भारताने जगाला ज्या प्रकारे मदत केली त्यामुळे आज शांतता आणि विकासात भारताची भूमिका बळकट झाली आहे. या काळात भारताच्या जागतिक बंधुत्वाची भावना संपूर्ण जगानेही अनुभवली आहे.