Lingashtakam Lyrics in Hindi : लिंगाष्टकम् | brahma murari surarchita lingam lyrics in hindi : ब्रह्ममुरारि सुरार्चित लिंगं : Shiv Stuti - शिव स्तुती

Lingashtakam Lyrics in Hindi

लिंगाष्टकम्

Brahma Murari Surarchita Lingam Lyrics Hindi

ब्रह्ममुरारि सुरार्चित लिंगं

ब्रह्ममुरारि सुरार्चित लिंगं

निर्मलभासित शोभित लिंगम् |

जन्मज दुःख विनाशक लिंगं

तत्प्रणमामि सदाशिव लिंगम् ‖ 1 ‖

देवमुनि प्रवरार्चित लिंगं

कामदहन करुणाकर लिंगम् |

रावण दर्प विनाशन लिंगं

तत्प्रणमामि सदाशिव लिंगम् ‖ 2 ‖

सर्व सुगंध सुलेपित लिंगं

बुद्धि विवर्धन कारण लिंगम् |

सिद्ध सुरासुर वंदित लिंगं

तत्प्रणमामि सदाशिव लिंगम् ‖ 3 ‖

कनक महामणि भूषित लिंगं

फणिपति वेष्टित शोभित लिंगम् |

दक्षसुयज्ञ विनाशन लिंगं

तत्प्रणमामि सदाशिव लिंगम् ‖ 4 ‖

कुंकुम चंदन लेपित लिंगं

पंकज हार सुशोभित लिंगम् |

संचित पाप विनाशन लिंगं

तत्प्रणमामि सदाशिव लिंगम् ‖ 5 ‖

देवगणार्चित सेवित लिंगं

भावै-र्भक्तिभिरेव च लिंगम् |

दिनकर कोटि प्रभाकर लिंगं

तत्प्रणमामि सदाशिव लिंगम् ‖ 6 ‖

अष्टदळोपरिवेष्टित लिंगं

सर्वसमुद्भव कारण लिंगम् |

अष्टदरिद्र विनाशन लिंगं

तत्प्रणमामि सदाशिव लिंगम् ‖ 7 ‖

सुरगुरु सुरवर पूजित लिंगं

सुरवन पुष्प सदार्चित लिंगम् |

परात्परं परमात्मक लिंगं

तत्प्रणमामि सदाशिव लिंगम् ‖ 8 ‖

लिंगाष्टकमिदं पुण्यं यः पठेश्शिव सन्निधौ |

शिवलोकमवाप्नोति शिवेन सह मोदते ‖

इति श्री लिंगाष्टकम् ||

|| ॐ नमः शिवाय ||

यह भी पढ़े ------------>   श्री शिव चालीसा