अमरावती विभाग शिक्षक मतदारसंघ निवडणूक मतमोजणी प्रक्रियेला सुरुवात

अमरावती विभाग शिक्षक मतदारसंघ निवडणूक

मतमोजणी प्रक्रियेला सुरुवात

पहिल्या पसंतीत कोणीही निवडून येणे थोडे कठीणच

अमरावती, दि. ३ : अमरावती विभाग शिक्षक मतदारसंघाच्या निवडणूकीच्या मतमोजणीला आज सकाळी आठ वाजता सुरुवात झाली.

विलासनगर येथील शासकीय गोदाम येथे असलेल्या मजमोजणी स्थळी आज सकाळी सहा वाजता सर्व अधिकारी व कर्मचारी दाखल झाले. सर्वांना पुन्हा त्यांची जबाबदारी समजावून देण्यात आली. त्यानंतर सुरक्षा कक्षाचे सील तोडून मतपेट्या मतमोजणी कक्षात हलविण्यात आल्या.

निवडणूक निरीक्षक आनंद लिमये, निवडणूक निर्णय अधिकारी पीयूष सिंह यांच्यासह विविध अधिकारी उपस्थित आहेत.

पहिल्या टप्प्यात मतपत्रिकांचे गठ्ठे बनवणे, सरमिसळ आदी कामे होत आहेत. 

शिक्षक मतदारसंघासाठी अमरावती विभागातील पाचही जिल्ह्यात एकूण ३० हजार ८६९ मतदारांनी मतदान केले. मतदानाची टक्केवारी ८६.७३ आहे.

 मतमोजणी दोन कक्षात १४ टेबलवर  होत आहे. २५ मतपत्रिकांचा एक गठ्ठा याप्रमाणे सर्व मतपत्रिका एकत्रित करण्यात येतील. यातून २५ मतपत्रिकांचा एक गठ्ठा याप्रमाणे ४० गठ्ठे अशी एक हजार मते प्रत्येक टेबलवर करण्यात येत आहेत. या टेबलवर प्रथम क्रमांकाच्या पसंतीनुसार मतपत्रिकांचे वर्गीकरण होईल. एकूण वैध मतांप्रमाणे ठरविण्यात आलेला मतांचा कोटा पूर्ण झालेला नसल्यास आवश्यकतेनुसार दुसऱ्या, तिसऱ्या अशी क्रमश: पसंतीची मते मोजण्यात येतील.

पहिल्या पसंतीत कोणीही निवडून येणे थोडे कठीणच

खुप मोठ्या प्रमाणात मतदान झाले आहे. २७ उमेदवार व झालेली चुरशीची लढत पाहता  पहिल्या पसंतीत कोणी निवडून येणे थोडे कठीण असल्याचे दिसून येत आहे. निकाल दुसर्या तिसर्या पसंती वर गेले तर २४ तासही निकाल साठी लागण्याची शक्यता नाकारता येत नाही.