वैदर्भीय नाथ समाज संघाची आरक्षणासंबंधी बैठक संपन्न
शासनाला मागणार आरक्षणाची भिक्षा
कारंजा दि.28 - नाथ समाजाच्या विविध समस्या, अडचणी, समाजाला शासनातर्फे दिल्या जाणाऱ्या सुविधा लाभ समाजाला न होणे, समाजावर होणारा अन्याय, वारंवार समाजावर होणारे हल्ले रोखण्यासाठी व समाजाला आरक्षण मिळण्यासाठी वैदर्भीय नाथ समाज संघा तर्फे आज कारंजा लाड येथे पदाधिकाऱ्याची बैठक घेण्यात आली..
या बैठकीत वरील विषयांवर चर्चा करण्यात आली.या सर्व मुद्यांपैकी आरक्षणाच्या मुद्यावर जरा जास्त भर देण्यात आला,कारण की नाथ समाजाला कुठल्याही प्रकारचा परंपरागत व्यवसाय नाही परंतु शासन परंपरागत व्यवसाय असलेल्या इतर समाजाला जर भरीव आरक्षण देत असेल तर हा भटक्या नाथपंथीय समाजावर फार मोठा अन्याय आहे त्यामुळेच नाथ समाजाला (st) प्रवर्गात घेण्यात यावं यासाठी प्रयत्न केले पाहिजे असे एकमताने ठरविण्यात आले.
याच मुद्यांच्या पार्श्वभूमीवर नाथ समाजाच्या इतिसासात कधीही न झालेलं अस भीक्षा मागो आंदोलन वैदर्भीय नाथ समाज संघा तर्फे विदर्भातील प्रत्येक जिल्हाधिकारी कार्यालयावर लवकरच करण्यात येईल असा निर्णय घेण्यात आला..
या व अश्या अन्य मुद्यांवर चर्चा करत आंदोलनाची रूपरेषा आजच्या बैठकीत ठरवण्यात आली.
आजच्या बैठकीत वैदर्भीय नाथ समाज संघाचे संस्थापक अध्यक्ष एकनाथ पवार, विनोदनाथ खंडाळेकर, दिवाकरनाथ गौरकर, आकाशनाथ वाडेकर, अभिषेकनाथ पाठक, अश्वीननाथ चव्हाण, शुभमनाथ वाडेकर, शरदनाथ पवार, उमेशनाथ चिलवंते, नितिननाथ चिलवंते, नितीननाथ अखतकर, निलेशनाथ वाघमारे, विनोदनाथ चव्हाण, प्रशांतनाथ उबाळे, नागेशनाथ जाधव, महेंद्रनाथ ठाकरे, विजयनाथ जवंजाळ, रवींद्रनाथ खंडाळेकर, प्रविणनाथ शिखरे, सुनीलनाथ बायस्कार, सुशिलनाथ ठाकरे, दिपकनाथ ठाकरे, संतोषनाथ सातपुते, इंगळे, संतोषनाथ ब्रम्हकुळे तसेच विदर्भातील विविध जिल्ह्यातून आलेले पदाधिकारी उपस्थित होते.
Post a Comment